Beynəlxalq Münasibətlər və Diplomatiya Araşdırmaları Mərkəzinin rəhbəri, Politoloq Samir Hümbətov gündəmin aktual mövzusu olan “İsrail-İran münaqişəsi haqqında” Bakivaxti.az-a verdiyi açıqlamasında deyib.

Onun sözlərinə görə, İsrail ilə İran arasında müharibənin başlaması üçün mövcud olan mümkün şərtlərin həyata keçirilməsinə ehtiyac var:

“İsrail ən azından Amerika ilə müəyyən razılaşmalar əldə etməlidir ki, İranla müharibəyə başlayanda ABŞ onu müdafiə etsin. Yəni, İsrailin boş yerə İranla üz-üzə gələcəyi real görünmür. Eyni zamanda İran qoyulan tələbləri yerinə yetirməsə və nüvə danışıqlarından çəkilərsə, Amerika da bu məsələdə maraqlı ola bilər”.

Politoloq hesab edir ki, əslində Amerika İrana zərbə endirə biləcəyini hesablayır, amma İranın atacağı addımların nədən ibarət olacağını bilmir. Dediyinə görə, İran Amerikanın həmin bölgədəki hərbi bazalarını vura bilərmi və İsrailə nə qədər təsir edə bilər?! Ona görə də tərəflər hərbi əməliyyat üçün tələsmirlər.

S.Hümbətov qeyd edib ki, İsrail hərbi əməliyyatlar üçün bir az tələsir, amma İran və ABŞ bu məsələdə tələsməyə meylli görünmür. ABŞ və İranın əsas məqsədi prosesi uzatmaqdan ibarətdir.

https://bakivaxti.az/az/posts/detail/israil-herbi-emeliyyatlar-ucun-telesdi-aciqlama-1749806429