Bu barədə Türkiyə xarici işlər naziri Hakan Fidan Fələstin Zirvəsində çıxışı zamanı bildirib ki, HƏMAS Qəzzanın idarəetməsini fəstinlilərdən ibarət bir komitəyə təhvil verməyə hazırdır.

Türkiyəli Politoloq, Beynəlxalq siyasət üzrə ekspert İsmail Cingöz Redaktor.az-a verdiyi müsahibədə qeyd edib ki:

Hakan Fidanın Qəzza bölgəsində Fələstinlilər və HƏMAS-ın mərkəzi bir idarəetmədə yer alması təklifi ideal bir vəziyyət kimi qiymətləndirilə bilər:

“Lakin Amerika Birləşmiş Ştatları və İsrailin, Qəzzada HƏMAS-ın heç vaxt idarəetmədə yer almayacağı mövqeyi də unudulmamalıdır. Eyni zamanda, Misir, Səudiyyə Ərəbistan, Birləşmiş Ərəb Əmirlikləri və Ürdün kimi bəzi ölkələrin də HƏMAS-ın Qəzzada idarəetmədə olmamasını istədikləri və bu məsələdə ikili bir yanaşma sərgilədikləri də diqqətə alınmalıdır. Bəzi Ərəb ölkələrinin, Amerika Birləşmiş Ştatları ilə qarşıdurma yaratmamaq məqsədilə Hakan Fidanın təkliflərini dəstəkləməyəcəyi və ya bu mövzuda ehtiyatlı davranacağı ehtimalı var. Ancaq Hakan Fidanın dediyi doğrudur: Qəzzanın əsas sahibləri Fələstinlilər və HƏMAS-dır. Bu səbəbdən, Hakan Fidanı dəstəkləməkdə bəzi ölkələrin tərəddüd etməsi gözlənilən bir vəziyyətdir”.

Politoloqun fikrincə, ABŞ-nin İsrail ilə birgə HƏMAS-ın yer almadığı, Qəzzada texnokrat əsaslı bir idarəetmə qurmağı məqsəd qoyması, Hakan Fidanın təkliflərinin daha az dəstəklənməsinə səbəb ola bilər.

“Hakan Fidanın Qəzzada HƏMAS mərkəzli bir Fələstin idarəetməsi təklifini irəlidəki mərhələdə, bu mövzu ilə bağlı aparılacaq danışıqlar və layihələrdə Fələstinlilərin əlini gücləndirmək və HƏMAS-ın daha da kənara atılmasının qarşısını almaq məqsədilə bir açıqlama kimi qiymətləndirmək lazımdır. Türkiyənin gələcəkdəki təklifləri ilə bağlı HƏMAS-ın mərkəzi bir yerdə yerləşməsi, bu an üçün çətin görünə bilər, amma zamanla şərtlər dəyişərsə, Türkiyənin mövqeyi daha da dəstəklənə bilər. ABŞ-nin isə Qəzzada HƏMAS-ın mərkəzdən uzaqlaşdırılması müşahidə olunur”, – deyə İsmail Cingöz sonlandırdı.