Beynəlxalq Münasibətlər və Diplomatiya Araşdırmaları Mərkəzinin sədri, politoloq Samir Hümbətov xalqcebhesi.az-a açıqlamasında bildirib.

“Rusiya-Ukrayna müharibəsi elə bir mərhələyə çatıb ki, artıq burada nə atəşkəs, nə də sülhdən danışmaq mümkündür. Tərəflər arasında ciddi cəbhələşmə və psixoloji müharibə gedir. İndi həm Rusiya Ukraynanın dərinliklərindəki, həm də Ukrayna Rusiyanın ərazisindəki strateji obyektləri hədəfə alır.”

Politoloqun sözlərinə görə, bu vəziyyət psixoloji təzyiq forması kimi də qiymətləndirilə bilər:

“Əgər müharibə bu qədər dərinləşibsə və qarşılıqlı hücumlar davam edirsə, atəşkəsdən danışmaq real görünmür. Həm ABŞ, həm də Qərb ölkələri — o cümlədən Avropa İttifaqı və Çin —artıq bu prosesdə tərəf kimi iştirak edirlər.”

Samir Hümbətov vurğulayıb ki, Qərbdən gələn son açıqlamalar və Ukraynaya yeni silahların verilməsi müharibənin davam edəcəyinə işarədir:

“Bu, göstərir ki, tərəflər öz maraqlarını qorumağa və müttəfiqlərini gücləndirməyə çalışırlar. Ona görə də yaxın vaxtlarda atəşkəsin elan olunması ehtimalı çox azdır.”