“İndiyədək Türkiyənin İsrail-İran qarşıdurmasına real münasibəti necə idi? Bəs hazırkı atəşkəsdən sonra həmin qarşıdurmanın uzanacağı təqdirdə bu münasibət dəyişəcəkmi?”
Beynəlxalq Münasibətlər və Diplomatiya Araşdırmaları Mərkəzinin Sədr müavini, Politoloq Teymur Qasımlı Moderator.az-ın əməkdaşının sualına cavab olaraq bildirib.
Türkiyə İsrailin hücumlarına razı deyil. Baş verənlərə həm praqmatik yanaşır, həm də İsrailin hərəkətlərini açıq şəkildə qınayır. Rəsmi Ankara diplomatik addımlar da atır; məsələn, İran Xarici İşlər Nazirliyinin sözçüsü Türkiyəni İsrailin hücumlarına qarşı çıxan və İranı dəstəkləyən ölkələr arasında qeyd edərək təşəkkür edib. Bu, Türkiyənin İsrailə qarşı sərt mövqeyini göstərir.
Politoloq əlavə edib ki, müharibənin uzanması Türkiyə üçün çətinliklər yarada bilər.
“Lakin Türkiyənin uzun illər soyuq müharibə təcrübəsi olduğunu nəzərə alsaq, düşünürəm ki, Ankara bu prosesdə də İsrailə qarşı münasibətində praqmatik siyasətini davam etdirəcək. Telefon diplomatiyası, xüsusən Prezident Ərdoğanın ABŞ prezidenti Donald Trampla görüşləri çərçivəsində İsrail-İran münaqişəsi müzakirə olunur. Buna görə də, müharibə uzansa belə, Türkiyə bir tərəfdən İsrailin addımlarını qınayacaq, digər tərəfdən isə hadisələrə praqmatik yanaşma nümayiş etdirəcək”, -deyə Teymur Qasımlı əlavə edib.
